Urtero, Kukuxumusuk kamiseta-bilduma berria plazaratzen du, gaurkotasun handikoa eta festetako elementu tipikoei lotuta. 2014. urterako, Mikel Urmenetak, markaren sormen-zuzendariak, entzierroa eta Konpartsa aukeratu ditu, Udaletxe paretik igarotzen ari direla, irudi gisa bildumako kamiseta bereziarentzat; horregatik agertzen dira erraldoiak lasterketa ikusten, bai eta kilikiak lasterka ere.

Gaurkotasunari egindako keinu batzuk gehitu behar zaizkie festetako bi ekitaldi hain enblematiko horiei, Urmenetak esaten duen bezala, “Kukuxumusun, gaurkotasunaren berriemaile umoretsu eta grafikotzat jo izan dugu geure burua beti”. Bestelako irudi batzuk ere ageri dira entzierro eta konpartsaren ondoan goizeko zortzietan, besteak beste, Nelson Mandelaren aldeko omenaldi bat, Miley Cirus izan daitekeen gazte bat -zabu batean-, eta Frantzisko Aita Santua agurka San Ferminen ondoan. Bestalde, diseinuaren erdian ageri den adarkada zera izan daiteke: “adarkada bat kamiseta baten bihotzean edo ‘I love Sanfermin’ hiltzeraino bat”.

Gaurkotasuna ere ageriko da 2014ko sanfermin bilduma oparoko beste kamiseta batzuetan. Zezen batek eta zenbait lagunek egindako autoerretratu bat, Oscar sarien selfie ospetsu haren modura; edo tronu batean eseritako adarduna, koroa eta guzti, gaurkotasun handiz defendatzen duena, abestiak dioen bezala, oraindik errege izaten jarraitzen duela. Starfetoak ere, kamisetetan ikus daitezkeen pertsonaia pixelatuak, berriak dira 2014ko bilduman.