Hemendik laster ibiliko dira eskumuturrez eskumutur Murtziako Haur minbizidunen elkartearentzat (Afacmur) diseinatu ditugun 1.000 eskumuturrak; kolektibo hori 1996an eratu zen eta helburu nagusia gaixotasun hori pairatzen duten txikien bizi kalitatea hobetzeko mekanismoez hornitzea da. Elkarlan hori eta Minbiziaren nazioarteko egunaren ospakizuna, otsailaren 4ean, batera gertatuko dira.

Urtero bezala, Forum Bayer fundazioak txakurren leishmaniosia, gaixotasunik larri eta ohikoenetako bat, saihestearen garrantziaz ohartarazteko egutegi bat sortu du. Oraingo honetan, gu izan gaituzte gogoan lehen orria diseina dezagun eta gure arrastoa utz dezagun kirol, kazetari, zinema edo musika munduetako 13 pertsona ezagun, beren txakurrak ondoan, agertzen dituen egutegian.

Nafarroako Unibertsitate Publikoak (NUP) jendearen eskura jarri du bere produktuen bilduma berria, zeinetan Kukuxumusuk diseinaturiko logotipoa nabarmentzen baita.

EROSI KAMISETA Jon Sistiaga kazetaria eta Kukuxumusu berriro ere gaurkotasunaren kronikagile bihurtu dira, oraingo honetan Indian emakumeek pairatzen duten egoeraren salaketa eginda. Horretarako “No Country For Women” kamiseta aurkeztu dute. Karrikaratzeak bat egin du euskal erreportariak Canal+ Espainiarako egin duen erreportajearen estreinaldiarekin. Kamisetaren salmentarekin sorturiko mozkinak Mugarik gabeko Medikuak erakundearentzat izanen dira.

Kukuxumusuk Nafarroako Autismo Elkarteak (ANA) sindrome horrek joak direnak laguntzeko nahi zituen 54 piktograma diseinatu ditu. 2.000 establezimendu publiko eta pribatutan jartzearen helburua da haur autistek irudi bera beren agendan eta joaten direneko tokian ikusi ahal izatea, beren eguneroko jarduerak ulertzen errazteko.

Kukuxumusuk ume minbizidunei laguntzen lan egiten duen AFANOC elkarte katalanak “Txanoa jarri” kanpainako hamahirugarren edizioan erabiliko duen txanoa diseinatu du. Kanpaina Bartzelonako zooan eginen da, abenduaren 14an.

Los ESpcpieALISTAS enpresa simulatuak, adimen eta mugimendu edo zentzumen desgaitasuna duten sei gazte nafarrek sustaturik, Kukuxumusuk diseinaturiko logotipoa izanen du aurrerantzean, bere Spacial Helpers proiektua, zeinen bidez bere zerbitzuak kontratatu nahi dituzten enpresei eskaini nahi baitizkie, ezagutzera emateko eginda.

Nafarroako Gobernuko Kirol eta Gazteriaren Institutuak sustaturiko eskola kirolaren programak Kukuxumusuk oinarri kirola Foru Komunitateko ikastetxeetan bultzatzen laguntzeko eginiko diseinuak izanen ditu.

Barricadaren jarraitzaile leial talde bat -esklerosi anizkoitza duten lagun batzuk barne- kontzertu batez gozatzen ari dela aukeratu du Kukuxumusuk datorren irailaren 27 eta 28an EAk gaixoturikoen alde eginen diren bi kontzertu solidarioen sustapenerako kartela ilustratzeko eszenatzat.

Umore dosi handiak, bere marrazkirik ezagunenetako batzuk eta bere estilo berezia elkartuz, Kukuxumusuk pertsona gorrek erabiltzen duten daktilologiako alfabetoa agertzen duen kartel bat diseinatu du. Harekin zeinu edo keinu hizkuntza ezagutarazi eta dibulgatzeko asmoa gauzatu nahi da.