Zer eginen zenukete zuek Guardia Zibilak marrazki bat lapurtuko balizue? Hemen lau gaude eta ez dugu garbi ikusten Guardia Zibilari berari deitu behar ote diogun salaketa bat jartzeko, edo Anacleto agente sekretuari, edo esperantzaren telefonoari.

Bazkaltzera joatekotan ginela, ikusi dugu Guardia Zibilak gure marrazki bat argitaratu duela bere kontu ofizialean baimenik gabe, egilea aipatu gabe, sinatu gabe, esan gabe eta abisatu gabe. Marrazkia, gainera, Escondido da, gure kuttunetako bat. Erabat bat gatoz tuitaren mezuarekin, bai eta bilatzen duen asmoarekin ere, baina zalantzak ditugu beren buruaren atzetik jarraituko ote duten otsoa eta ardien bidegabeko jabetzeagatik.   Hori baino gutxiagoagatik sekulakoak eta bost aditzen dituzu Twiterren.

Jende xaloa garenez, Guardia Zibilari barkatzeko prest gaude, baina justizia nahi dugu, nahiz eta egia esan ez dakigun zer eskatu. Hemengo bati bururatu zaio isunekin barra librea egiteko eskatzea datorren urterako; beste batek dio hemendik aurrera derrigorrez Kukuxumusuk diseinatu beharko duela trikornioa, eta hemen lan egiten duen emakume batek dio nahikoa duela “Gorputzarekin” vis a vis bat izatea.

Neuronak akituta eta bazkaldu gabe gaudenez, ez zaigu originalagorik bururatu, eta, beraz, laguntzeko eskatu behar dizuegu justizia egin dadila, baina benetako justizia; horretarako, esaguzue zein den zuen proposamena bidezko ordain dibertigarria gauzatzeko, betiere inorentzat mingarria izan gabe. Zeuen proposamenak uzteko, erabili #justiciaKukuxumusu hashtaga.

Eguneraketa, 21:27an. 8 ordu eta 27 minutu geroago, Guardia Zibilak honako tuit hau argitaratu du, barkamena eskatuz. Gure ardiak lotan daude jada, bihar erakutsiko diegu.