Escor Gaztedi Gasteizko errugbi kluba da eta bertako senior taldea Euskal Ligako lehen mailan ari da. Haatik, klub honen alderik bereziena bere taldeetako beste bat da, Gaztedi Rugby Down 21 alegia, Down sindromedun hainbat neska-mutikoz osatua.

Euskadiko Turismok gaur goizean jarri du martxan Euskadi eta bertako turismo produktuak abendurako sustatzeko kanpaina. Kukuxumusun ikurrinak erabiltzen duen sormena landu dugu, Euskadiko turismo produktu eta baliabideen ezaugarri diren irudikapen ikonoak biltzen dituen helmugaren sinbolo gisa. Zuei gustatzea eta bisitatzera animatzea espero dugu.

Bilbao Basket saskibaloi taldea ACB ligako partaidea da, Eurocupen jokatzen du eta Errege Kopa jokatu berri du eta haren zaleek badute Kukuxumusuko diseinu bat kamiseta eta giltzatakoetan inprimaturik. Bi horiek euskal klubaren produktu ofizialaren parte dira eta haren denda ofizialetan saltzen dira.

Kukuxumusuk eta Astorek gaur aurkeztu dute Euskal Selekzioak datorren denboraldian erakutsiko duen kamiseta; Marrazki Fabrikaren diseinu originalak Euskadiko selekzioaren janzkeraren estiloari eusten dio baina Mikel Urmeneta eta haren taldearen ukitu nahastezinaz.

Euskadi Irratiak atzo aurkeztu zuen Donostiako San Telmo Museoan bere 30. urteurrenaren oroitzapeneko kamiseta, Kukuxumusuk euskal irrati publiko enblematiko horren urtebetetzea ospatzeko diseinatua. Ekitaldian Alberto Surio, EITBko zuzendari nagusia, Javier Torrontegui, EITB taldeko zuzendari koordinatzailea, Felipe Juaristi, Euskadi Irratiko zuzendaria, eta Koldo Aiestaran, Kukuxumusuko bazkide-sortzailea, izan ziren.

Marrazki Fabrikak diseinatu du Euskal Mendizaletasunaren XV. Galarako kartela. Otsailaren 25ean izanen da, Gasteizen, eta bertan Edurne Pasaban tolosarrak emakume-alpinismoaren golardoa jasoko du, planetako hamalau zortzimilakoak orain arte zapaldu dituen emakumezko lehen eta bakarra izan baita.

Txintxarri da Sortzen Ikasbatuaz elkarteak antolaturik aurten protagonista Burlatako Ermitaberri ikastetxe publikoa izanen duen euskarazko eskola publikoaren festarako Kukuxumusuk diseinatu duen logotipoa.

Mintz Eguna ekimenak euskararen erabilera sustatzeko Euskal Herrian urte osoan zehar gauzatzen diren ekimenetako (Mintzalagun, Berbalagun, Mintzakide, Solaskide, Zahar-berri…) partaideak biltzen ditu jaiegun batean. Aurtengoak Ideia eta Marrazki Fabrikak diseinaturiko irudia izanen du berriro.

Kukuxumusu Marrazki Fabrikak Tolosako inauteri famatua irudikatzen duen kamiseta bat diseinatu du. Aurten otsailaren 11tik 16ra izanen dira hango inauteriak. Gaur goizean egin dute aurkezpena, herri gipuzkoarraren kultur etxean eta bertan parte hartu dute Nestor Ardanaz kamisetaren bultzatzaileak, Nerea Letamendia turismo zinegotziak eta Andoni Iturzaeta kulturakoak, baita Edurne Arrizibita Kukuxumusuren ordezkariak ere.

Euskararen Nazioarteko Egunak, Eusko Ikaskuntzak 1949az geroztik abenduaren 3 bakoitzerako antolatuta, Kukuxumusu Marrazki Fabrikak okasiorako bereziki diseinaturiko kamiseta izanen du aurten bere 60. urteurrena.