Gure pertsonaiei ez zaie hitz egitea gustatzen, oso aspergarria delako, baina euskara ulertzen dute, jatorri misteriotsua, soinu arraroak eta deitura aho-korapilatzaileak dituen hizkuntza hori. Horregatik, Kukuxumusuko marrazki anitzen izena euskarazkoa da: Zuringo (arrautzaren zuria), Txikoriabelar (txikoria lorea), Errezu (otoitza), Aizko (aizkora), Kateorratz (ixteko orratza), Ataute (hilkutxa), Zakarra (baldarra), Hiruko (hiru aleko)…

Txintxarri da Sortzen Ikasbatuaz elkarteak antolaturik aurten protagonista Burlatako Ermitaberri ikastetxe publikoa izanen duen euskarazko eskola publikoaren festarako Kukuxumusuk diseinatu duen logotipoa.

Mintz Eguna ekimenak euskararen erabilera sustatzeko Euskal Herrian urte osoan zehar gauzatzen diren ekimenetako (Mintzalagun, Berbalagun, Mintzakide, Solaskide, Zahar-berri…) partaideak biltzen ditu jaiegun batean. Aurtengoak Ideia eta Marrazki Fabrikak diseinaturiko irudia izanen du berriro.

Euskararen Nazioarteko Egunak, Eusko Ikaskuntzak 1949az geroztik abenduaren 3 bakoitzerako antolatuta, Kukuxumusu Marrazki Fabrikak okasiorako bereziki diseinaturiko kamiseta izanen du aurten bere 60. urteurrena.

Kukuxumusuko Mr. Testis zezen urdinak eta Beelorzia ardiak euskararen normalizazioa aldarrikatzeko egiten den Korrikaren 16. edizioan parte hartu zuten. Maratoia Vitoria-Gasteizen bukatu zen joan den igandean, Euskal Herri osoan barnako 2.000 kilometro baino gehiago eta munduko zenbait tokitan kilometroren bat ibili ondoren, New Yorken besteak beste.

2008an Iruñeko Jaso ikastolak antolatuko duen Nafarroa Oinez festaren logotipoa Kukuxumusuk egina da, Pilar Echezarretarekin batera. Nafarroako ikastolen urteko festa, Jaso Ikastolak antolatuko duena, heldu den urteko urriaren 19an ospatuko da Iruñean.